【對號入座系列】 公司內的狠樣

一般來說，在公司開會，人越多大家說話越少。而且職位越低或年資越淺者，就更不願意發表意見。所以做大既在散會前的例句必定是「大家有乜意見？不如分享下。」而結果當然都是資深同事求其吹兩句，然後散會。

但凡事總有例外。就在早幾天開例會時，竟然有位新人夠贍突圍而出，寸嘴的說「老闆，你地 Management既idea改完又改，轉完又轉，昨天的我不斷的打倒天今天的我。我地做細好難 Follow Up架喎！再者，我地比乜idea你地都Ban，不如直接落Order啦！同埋你定可唔可以 Confirm係啱先開工？我地咁樣係永遠Catch up唔到Deadline，件事係唔會完架。」

聽到個時我當堂嚇一跳，然後得啖笑，因為我都曾經成日咁諗，只係唔夠膽挑老闆機。佢呢吓都真係令我幾欣賞，而且亦同時比我感受到佢個種強大的負能量。

為左保持氣勢，跟住我就笑住咁同「大家」講：「做Management同老闆既最大功能係承擔同做決定，等於錯左自己會跌錢同無左份工個隻。我們的能力不一定比你地高非常多，只是經驗多 一點，考慮多一點。咁考慮多，自然就成日hold住同改啦。希望大家明白，我都有老婆仔女要養，比大家更怕犯錯。講真，如果我知道乜野係絕對正確既決定既話，已經上了岸發了達，就更加唔駛理大家既意見啦。就係我們有不肯定，先想知道下大家既諗法，希望加入更多考慮因素係每一個決定，做得更好。」

講完之後，成個會議室即刻靜晒，原全沒人出聲。

而為左Round Up同增強霸氣，我點都要補多兩句「其實我們做Product既，追求的不應該是正確，而是更好。係Web同App既世界乜野係正確呢？User Interface似Facebook、Gmail同Instrgam 咪一定啱囉，但這是否代表著這設計足以解決每個User的問題呢？抄就可以，這只是代表著懶惰。係現實世界，每個人面對的問題都不一樣，正由於這樣，我們才有市場同空間去創造新Product，而亦是我們及公司存在的原因。做得Product，你就要明白做Product係永遠唔會完，永遠都有改善空間。完個日，就係我地玩完個日。」

原本，我以為咁樣講完一定會收到掌聲，但結果當然是只換來是更長的Dead Air。

然後又唔知幾多十秒之後，終於有一個資深同事出手相救，求其吹兩句，跟住大家先可以當無事發生過咁散會。

完會個下，我非常滾動，而且真係即刻有加個位資深同事人工既衝動。

就係我想行埋去資深同事既時候，佢竟然又比我早一步冷冷的說「老闆，你竟然夠膽開會講呢D，下次唔好啦，佢地後生唔明架！去到今日，你終於明白我每日同佢地Work既痛苦，咁你唔好再成日追我Deadline啦。佢地唔迫得，會走架！」

「哦！我明，大家盡做啦！」係個一刻，我竟然發現資深同事既怨氣比新人更重。

於是，我便於當日決定了中秋節正日全公司放假一天，以盡量減低大家既怨氣。

而今次既決定，亦終於獲得了大家正面的回應。

後記：那位狠樣新人在執筆之時已經正式交了辭職信，而這亦證明了只有唔怕死既人先有勇氣做這些凶狠的決定。原來當年，我並不膽小。所以你只要一睇成日商量如何佔中個班狠樣，你就會估到佔中一定會......


[http://hkcitizensmedia.com/2014/09/05/%E5%85%AC%E5%8F%B8%E5%85%A7%E7%9A%84%E7%8B%A0%E6%A8%A3]

==========

現在很多管理層很像「佔中三子」和「飯民」那批人，在中共(如User)和他們支持者(如Employees)之間做Management。一堆 doc、一大輪會議、又諸多讓步的修訂、又搞N這麼多days……又哩又嘮，不斷增加員工成本、打擊士氣(如抗爭成本、支持者內耗)。真的是有才能的話，就會像黃洋達、毓民那樣「I told you so」，不用需這麼花招、講廢話。

民主社會的最終User是人民！連對象都搞錯，搞什麼民主?